حلا مدري كيف جاي اسمه الكانشو

اليوم مزعت لكم من دفتر أميمتي طبخه و جبتها لكم هنا <<-- حلاته من علمها عشان تمزع رقبتس

الحلا مدري من وين أمي جايبته ماكتبت المصدر وينهو منه بالضبط .. يمكن من جارتها ولامن التلفزيون ولا من النت



حلى الكانشو ..




الطبقه الاولى:

نصف علبة قشطه
ملعقتين كاكاو بودره
20 حبة بسكويت داجستيف
وبعدين ناخذ البسكوت ونعفسه عفساً جيداً <<-- ترا مهب شرحي ذا شرح أمي حتى شوفو

ولاخلصنا تعفيس نرصه بالصينيه ..



الطبقة الثانيه:

6 حبات جبن كيري
نصف علبة حليب مركز محلى ( نستله )
نخلطهم بالخلاط .. ونصب الخليط على الطبقه الاولى وندخله في الفرن لين تجمد الطبقه الثانيه ..
ولاطلعنها نصف عليها 3 كراتين كانشو <<-- من العصر العباسي ذا البسكوت

الطبقه الثالثه:

2 جالكسي ..يذوب في حمام مائي أو مايكرويف

بس أنا أسخدمت هيرشي <<-- بكيفي انا اللي اطبخ
وعشانه أسرع بعد <<-- سودانيه
بعدين ندخله الثلاجه يجمد شوي مهب يغدي خشبه قلنا شوي


وهذا هو شكله بعد التقطيع الي مدري كيف جاي

وهنا من جانب آخر <<-- خذو الجوال منها تكفون

بنات إذا مافي كلافه أغسلو المواعين وأفتحو الدرايش وبخرو البيت <<-- ياهي بتنطق



أول وحده ترد له هالفنجال والحلى بس بدون دف تكفون


وبالهناء والعافيه..وتراي فاتحه عيادة صغيره ورا المطبخ <<-- زين عارفه وش يطلع منتس